இந்தியா போன்ற வெப்பமண்டல மற்றும் ஈரப்பதமான நாட்டில், காட்டன் துணிகள் அணிந்து மகிழ்ந்திட வசதியான ஆடைகள் ஆகும். அவை லேசாக இருக்கும் மற்றும் சுவாசிக்கக்கூடிய துணியாகவும் இருக்கும். இருப்பினும், வழக்கமாக பயன்படுத்துவதன் காரணமாக, அவை நிறம் மங்கி இருப்பதுபோல் தோன்றும். கவலைப்படாதீர்கள், சில எளிய பராமரிப்பு மற்றும் சில ஸ்மார்ட்டான குறிப்புகள் கொண்டு, அவற்றின் நிறத்தை தக்க வைத்து நீண்ட நாள் உழைக்கச் செய்திடலாம்.
வாருங்கள் பார்க்கலாம்!
1) வெந்நீர் கூடாது
துணிகளை வெந்நீரில் துவைக்கக் கூடாது, இது துணியை பாதிப்படையச் செய்யலாம் மற்றும் நிறம் மங்குவதற்கு வழி வகுக்கலாம். பெரும்பாலான நேரங்களில் வெந்நீர் துணி சுருங்குவதற்கும் வழி வகுக்கலாம். நினைவிருக்கட்டும் குளிர்ந்த தண்ணீரே எப்போதும் சரியான தேர்வாகும்.
2) ஊற வைக்கவும்
நீங்கள் அவற்றை கைகளால் துவைப்பதாக இருந்தால், ஒரு வாளி தண்ணீரில் உங்கள் விருப்பமான டிடெர்ஜென்ட் பவுடரை 1 கப் சேர்த்துக் கொள்ளவும் மற்றும் உங்கள் கைகள் கொண்டு சுற்றி கரைசலை உருவாக்கிக் கொள்ளவும். உங்களுடைய துணிகளை இந்த கரைசலில் 5-10 நிமிடங்கள் ஊற வைக்கவும், மீண்டும் நன்றாக சுழற்றவும். பின்னர் மெதுவாக அவற்றை முறுக்கி பிழிந்து அதிகப்படியான தண்ணீரை நீக்கிடவும்.
3) கலர்வாரியாக பிரிக்கவும்
உங்களுடைய காட்டன் துணிகளை கலர்வாரியாக பிரித்துக் கொள்ளவும். டார்க் காட்டன் துணிகளை வெளிர்நிற துணிகளுடன் சேர்த்து துவைத்தால், உங்களிடம் நிறம் மங்கிய துணிகள் போராக குவிந்துவிடும்.
4) வினிகர் உபயோகிக்கவும்
வாஷங் மெஷினில் அலசும் சுற்றின்போது 1 கப் வினிகர் சேர்க்கவும். இது நிறம் மங்குவதை தடுக்கிறது மற்றும் உங்கள் காட்டன் துணிகளின் பிரகாசத்தை பாதுகாக்கிறது. மேலும் இது உங்கள் துணிகளை மென்மையாக உணரச் செய்கிறது மற்றும் புத்துணர்வுடன் மணக்கவும் செய்கிறது.
5) அவற்றை தட்டையாக உலர்த்தவும்
உங்கள் காட்டன் துணிகளை நிழலில் தட்டையாக பரப்பி உலர்த்தவும். காட்டன் துணிகளை நேரடியாக வெயிலில் உலர்த்தக்கூடாது. நேரடியான வெயில் நிறம் மங்குவதற்கு மற்றும் துணி சுருங்குவதற்கு காரணமாகலாம்.
இந்த குறிப்புகளை பயன்படுத்தி மற்றும் உங்கள் பளிச்சிடும் காட்டன் துணிகளை அணிந்து நவ நாகரிக நாயகனாய் விளங்கிடுங்கள்!