మీ గోడల నుండి అగరబత్తుల పొగ మరకలను ఎలా తొలగించాలి

చాలా మంది ఇండ్లల్లో వారి పూజా గది / ప్రార్థన గదిలో వారి గోడల మూలలో ఒక నల్లని ప్రదేశాన్ని గమనించవచ్చు. ధూప కర్రలు లేదా అగరబత్తుల నుండి వచ్చే పొగ ఈ మరకలకు కారణం. మనం వాటిని ప్రతిరోజూ శుభ్రం చేయనందున,  అవి కాలక్రమేణా మొండి మరకలుగా మిగిలిపోవచ్చు. వాటిని సులభంగా తొలగించడానికి ఇక్కడ కొన్ని ప్రభావవంతమైన చిట్కాలు ఉన్నాయి.

దశ 1: టిష్యూ పేపర్‌తో తుడవండి

పొగ మరకను పొడి టిష్యూ కాగితంతో తుడవండి, పొగ మరక యొక్క పొడి పొరను తొలగించడానికి, వాటిని ఇతర శుభ్రమైన ప్రదేశానికి వ్యాపించకుండా చూసుకోండి.

దశ 2: శుభ్రపరిచే  ద్రావకం తయారుచేసుకోండి

ఖాళీ స్ప్రే బాటిల్ తీసుకొని గోరువెచ్చని నీటితో నింపండి. దానికి ఒక చిన్న చెంచా వైట్ వెనిగర్ వేసి బాగా కలపాలి. అవసరమైతే మీరు బ్లీచ్ కూడా ప్రయత్నించవచ్చు.

దశ 3: పిచికారీ చేసి 10 నిమిషాలు వేచి ఉండండి

ద్రావణాన్ని స్టెయిన్ మీద సమానంగా పిచికారీ చేసి 10 నిమిషాలు వదిలి వేయండి.

దశ 4: మరకను రుద్దండి

ఇప్పుడు మరక మీద కొంచెం నీరు పిచికారీ చేసి వృత్తాకార కదలికలలో బ్రష్ తో రుద్దండి.

దశ 5: తుడిచివేయండి

ఇప్పుడు తడి గుడ్డ తీసుకొని ఇతర ప్రాంతాలకు వ్యాపించకుండా మెల్లగా తుడవండి.

దశ 6: ప్రక్రియను పునరావృతం చేయండి

మరోసారి నీటితో పిచికారీ చేసి, గోడ శుభ్రంగా ఉండే వరకు పొడి గుడ్డతో శుభ్రంగా తుడవాలి.

దశ 7: ఆరనివ్వండి

సహజంగా ఆరడానికి వదిలేయండి.

ఇక పై ముదురు పొగ గోడల గురించి చింతించాల్సిన అవసరం లేదు !!